ਬਰਨਾਲਾ : ਸਥਾਨਕ ਰੈਸਟ ਹਾਊਸ ਵਿਖੇ ਇਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਸੈਨਿਕ ਵਿੰਗ ਸ੍ਰੋਮਣੀ ਅਕਾਲੀ ਦਲ ਦੇ ਸੂਬਾ ਪ੍ਰਧਾਨ ਇੰਜ ਗੁਰਜਿੰਦਰ ਸਿੰਘ ਸਿੱਧੂ ਨੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਤੋਂ ਮੰਗ ਕੀਤੀ ਹੈ ਕਿ ਚੱਲ ਰਹੀ ਪੁਲਿਸ ਭਰਤੀ ਵਿਚ ਇਕ ਪ੍ਰਸੈਟ ਕੋਟਾ ਦੇਸ ਲਈ ਕੁਰਬਾਨ ਹੋ ਗਏ ਸ਼ਹੀਦਾਂ ਦੇ ਬੱਚਿਆਂ ਲਈ ਜਾਂ ਸ਼ਹੀਦ ਦੇ ਪ੍ਰਵਾਰਿਕ ਮੈਬਰਾਂ ਲਈ ਰਾਖਵਾਂ ਕੀਤਾ ਜਾਵੇ।
ਇਸ ਮੌਕੇ ਸ਼ਹੀਦ ਪਰਿਵਾਰਾਂ ਸ਼ਹੀਦ ਧਰਮਵੀਰ ਦੀ ਮਾਤਾ ਬੀਬੀ ਸਿਮਲਾ ਦੇਵੀ, ਸ਼ਹੀਦ ਦਰਸ਼ਨ ਸਿੰਘ ਬੀਹਲਾ ਦਾ ਬੇਟਾ ਲਵਪ੍ਰੀਤ ਸਿੰਘ, ਸ਼ਹੀਦ ਜਗਸੀਰ ਦੀ ਪਤਨੀ ਬਲਵਿੰਦਰ ਕੌਰ, ਸ਼ਹੀਦ ਬਿੱਕਰ ਸਿੰਘ ਦੀ ਪਤਨੀ ਬਲਜਿੰਦਰ ਕੌਰ ਅਤੇ ਬੇਟੀ , ਸ਼ਹੀਦ ਰਾਜ ਸਿੰਘ ਦੀ ਪਤਨੀ ਜਸਵਿੰਦਰ ਕੌਰ ਮੌਜੂਦ ਸਨ।
ਟੀਵੀ ਪੰਜਾਬ ਬਿਊਰੋ